သိုၵ်းၶၢင် တီႉၺွပ်းၵူၼ်းၶုတ်းသႅင် တီႈၽႃၵၢၼ်ႉ လိူၼ်လဵဝ်ၵူၺ်းဢမ်ႇယွမ်း 300 ၵေႃႉ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၼႂ်းမိူင်းႁူမ်ႈတုမ်မၢၼ်ႈၼႆႉ ဢိင်ၼိူဝ် ဢမ်ႇမီးလွင်ႈၽဵင်ႇပဵင်းပဵၼ်ထမ်းသေ ၸင်ႇမီးမႃးၸုမ်းယိပ်းၵွင်ႈၵၢင်ႇတင်းၼမ်တင်းလၢႆ ။ ၸုမ်းယိပ်းၵွင်ႈၵၢင်ႇၵမ်ႈၼမ်ၼႆႉ မိူဝ်ႈတႄႉမၼ်းတႄႉ ဢၢင်ႈၸိုဝ်ႈဝႃႈ တႃႇဢဝ်ၶိုၼ်းသုၼ်ႇလႆႈ တႃႇႁႄႉၵင်ႈၵူၼ်းမိူင်းၼႆသေ မႅၵ်ႇၵွင်ႈလုၵ်ႉၽိုၼ်ႉမႃး။
ၵူၺ်းၵႃႈ ၵွႆပၢႆဝၢႆးမႃး ၵၢၼ်လုၵ်ႉၽိုၼ်ႉၵေႃႈ ပိူင်ႈႁွႆႈသေ ၵူၼ်းမိူင်းလႆႈၵူဝ်တင်းသိုၵ်းမၢၼ်ႈလႄႈသိုၵ်းလုၵ်ႉၽိုၼ်ႉ။ၶၢဝ်းတၢင်း ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇယိုတ်းမိူင်းၼႆႉ သမ်ႉၶႅၼ်းၼႃႇ ။
မိူၼ် တီႈ ၽႃၵၢၼ်ႉ ၸႄႈမိူင်းၶၢင်ၼႆႉ ယၢမ်းလဵဝ် သိုၵ်းၶၢင် လႄႇႁႃၵဵပ်းသိုၵ်းၸွမ်းၼႂ်းၵႄႈၵူၼ်းၶွၼ်ႈ ။ ဢွင်ႈတီႈ ဢၼ်မီးမေႃႇသႅင်ၸိူဝ်းၼႆႉၵေႃႈ ဢမ်ႇဝႆႉ။
ၼႂ်းလိူၼ်သႅပ်ႊထိမ်ႊပိူဝ်ႊၼႆႉၵူၺ်း ၵူၼ်းႁဵတ်းၵၢၼ်ၶုတ်းသႅင်ၸွမ်းလူၺ်ႈမႃႇလူၺ်ႈႁႅင်းၸဝ်ႈၵဝ်ႇ ၺႃးသိုၵ်းၶၢင် တီႉၺွပ်းၵႂႃႇ 300 ၵေႃႉ။ ၵူၼ်းမိူင်းၽႃၵၢၼ်ႉ ႁႃၵိၼ်လဵင်ႉတွင်ႉယၢပ်ႇ တေပၢႆႈၵေႃႈသမ်ႉၵူဝ်ဢမ်ႇလွတ်ႈ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#podcast
#Shannews
