ၵူၼ်းၼွင်မွၼ် ၺႃးပွမ်ၸိုဝ်ႈပွမ်ႁၢင်ႈသေ လွၵ်ႇၵိၼ်ငိုၼ်း တၢင်းမူႇၸေႊ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၵၢပ်ႈယၢမ်းလဵဝ် ၵၢၼ်ၵပ်းသိုပ်ႇၵပ်းသၢၼ်ၵၼ် ၵူႈၸိူဝ်ႉၵူႈလွင်ႈငၢႆႈလူမ်ၸႂ်မႃးလိူဝ်ၵဝ်ႇလၢႆပုၼ်ႈ ၶိုတ်းၸႂ်ၶိုတ်းၸၼ်ႉ ။
ၵူၺ်းၵႃႈ တႃႇၵူၼ်းၸိူဝ်းမီးၾိင်ႈယၢမ်ႈလူႉၶဝ်သမ်ႉ ဢဝ်ၵႂႃႇၸႂ်ႉပဵၼ်ၶိူင်ႈမိုဝ်းသေ ၸႂ်ႉၼႂ်းၵၢၼ်လွၵ်ႇလႅၼ်ၵိၼ် ။ မၢင်ၸိူဝ်းဢဝ်ၸိုဝ်ႈမူႇၸိုဝ်ႈၸုမ်းပိူၼ်ႈၵႂႃႇလႅၼ်ၵိၼ် ။ မၢင်ၸိူဝ်းၵေႃႈ ဢဝ်ၶေႃႈမုၼ်းသုၼ်ႇတူဝ်သေၵေႃႉၵေႃႉ ၵႂႃႇဢၢင်ႈၸိုဝ်ႈဢၢင်ႈသဵင်လႅၼ်ၵိၼ် ။
မိူၼ်ၼင်ႇ ၵူၼ်းၼွင်မွၼ် ၸႄႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ၵေႃႉၼိုင်ႈၵေႃႈ ၺႃးပိူၼ်ႈဢဝ်ၸိုဝ်ႈဢဝ်ႁၢင်ႈၵႂႃႇဢၢင်ႈ ႁႃလွၵ်ႇၵိၼ်ငိုၼ်းပွတ်းတၢင်းမူႇၸေႊ လႅၼ်လိၼ်တႆး-ၶႄႇ ။ မၼ်းၸၢႆးပဵၼ်ဢၼ်မႆႈၸႂ်ၸိုဝ်ႈသဵင်လူႉ လႄႈၵူဝ်ပဵၼ်ၽေးထိုင်သၢႆၸႂ် ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#Podcast
#Shannews
