တႆးၼႂ်းမိူင်းထႆး ၵိုင်ႇလီပူၵ်းပွင်သႅၼ်းႁုၼ်ႈမႂ်ႇ ပၢၵ်ႈလၢင်ႉပႅတ်ႈၸိုဝ်ႈၼဝ်ႈတႆး
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၶၢဝ်းဝၢၼ်ႈမိူင်းယုင်ႈၼႆႉ ၵူၼ်းမိူင်းတႆးလႄႈပတ်းပိုၼ်ႉမိူင်းႁူမ်ႈတုမ် ႁႃၵိၼ်လဵင်ႉတွင်ႉယၢပ်ႇၽိုတ်ႇ ၊ ယွၼ်ႉပိူဝ်ႈပၢင်တိုၵ်းၼႂ်းမိူင်းတႆးလႄႈ ပၢႆးမၢၵ်ႈမီးတူၵ်းသေ – ၵူၼ်းမိူင်းတႆးၵမ်ႈၼမ် ပၢႆႈသွၼ်ႈၶဝ်ႈမိူင်းထႆး ႁႃၵိၼ်လဵင်ႉတွင်ႉၽႂ်မၼ်း ။ လႆႈၶတ်းၸႂ်ယူႇၸွမ်းၶွပ်ႇၸွမ်းပိူင်မိူင်းပိူၼ်ႈ။
ဢမ်ႇထၢင်ႇဢမ်ႇထိူမ်သေ သမ်ႉၵႆႉၺႃးၸဝ်ႈၼႃႈတီႈၵူတ်ႇထတ်းႁႅင်း ယူႇယၢပ်ႇၵိၼ်ယၢပ်ႇ ၵွပ်ႈဝႃႈ ၵႆႉမီးၸုမ်းၵေႃႇၵၢၼ်ႁၢႆႉ ။ တီႈၵဵင်းမႂ်ႇ ၸိုင်ႈထႆးၼႆႉ ၵူၼ်းၼုမ်ႇတႆးၵမ်ႈၽွင်ႈ ၵႆႉတင်ႈပဵၼ်မူႇပဵၼ်ၽုင် ၵေႃႇၵၢၼ်ႁၢႆႉလႄႈ ပလိၵ်ႈထႆးၶဝ် ၵႆႉၶဵင်ႈၶႅင်ၵၢၼ်ၵူတ်ႇထတ်း ။
ႁဵတ်းႁႂ်ႈႁႅင်းၵၢၼ်ၸိူဝ်းဢမ်ႇၵဵဝ်ႇၶွင်ႈသင် လႆႈယၢပ်ႇၸွမ်း ။ ၼႂ်းဝူင်ႈၼႆႉၵူၺ်း ၵူၼ်းၼုမ်ႇတႆး လမ်းၽၼ်းၵၼ်ထႅင်ႈ ။ ဢွၼ်ႇယိင်းၵေႃႉၼိုင်ႈ မိုဝ်းပေႃးပုတ်း ။ ပိူင်ပဵၼ်ၸိူဝ်းၼႆႉ ႁဵတ်းႁႂ်ႈၵူၼ်းမိူင်းထႆးလၢတ်ႈလွင်ႈတႆးဢမ်ႇလီလၢႆၸိူဝ်ႉလၢႆပိူင် ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ ။
#podcast
#ၽူႈတွႆႇႁွၵ်ႈ
