ဝဵင်းမူႇၸေႊ တီႈပျီႇတူႉၸိတ်ႉလိူင်ႇၼမ်ၼၼ်ႉ ၵူၼ်းၸူၼ်ၵေႃႈလိူင်ႇၼမ်
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
တႃႈဝၢၼ်ႈမိူင်းၼိုင်ႈလုၵ်ႈ တေယူႇလွတ်ႈလႆႈၼၼ်ႉ ၵၢၼ်ၵႃႉၵၢၼ်ၶၢႆလမ်ႇလွင်ႈတႄႉတႄႉ ။ တီႈဢၼ်ၵၢၼ်ၵႃႉၶၢႆ ဢွင်ႇမၢၼ်ၼႆႉသမ်ႉပဵၼ်တီႈလႅၼ်လိၼ်။ မိူၼ်ၼင်ႇၽႅၼ်ႇလိၼ်မိူင်းတႆးၼႆႉတိတ်းၸပ်းတင်းမိူင်းၶႄႇ – မိူင်းထႆးလႄႈ ၸင်ႇဝႃႈ ပဵၼ်တီႈငိုၼ်းၶဝ်ႈၼမ်သုတ်းၼႂ်းၸိုင်ႈမိူင်း။
ၸုမ်းယိပ်းၵွင်ႈၵၢင်ႇလၢႆလၢႆၸုမ်းၵေႃႈၶႂ်ႈလႆႈၽႅၼ်ႇလိၼ်ၸိုင်ႈတႆး- တွၼ်ႈတႃႇယူႇလွတ်ႈလႆႈ။ ၼႂ်းမိူင်းတႆးၼႆႉဝဵင်းဢၼ်ႁႃၵိၼ်လဵင်ႉတွင်ႉငၢႆႈပဵၼ်ဝဵင်းမူႇၸေႊ- ဝဵင်းတႃႈၶီႈလဵၵ်းဢိၵ်ႇလၢႆလၢႆဝဵင်းၼႂ်းၼႃႈလိၼ်ဝႃႉလႄႈမိူင်းလႃး။
ၵူၺ်းၵႃႈၼႂ်းၵႃႈဝဵင်းၸိူဝ်းၼႆႉ ဢၼ်မီးၸုမ်းယိပ်းၵွင်ႈၵၢင်ႇၼမ် ပျီႇတူႉၸိတ်ႉၼမ် ပဵၼ်ဝဵင်းမူႇၸေႊ။ မီးၸုမ်းပျီႇတူႉၸိတ်ႉ ၸုမ်းလဵၵ်ႉ ၸုမ်းယႂ်ႇတင်းမူတ်း ဢမ်ႇယွမ်း 10 ၸုမ်း။
ယိင်ႈၸုမ်းယိပ်းၵွင်ႈၵၢင်ႇၼမ်ၵေႃႈယိင်ႈမီးလွင်ႈသုၵ်ႉယုင်ႈလႄႈ ၵူၼ်းၸူၼ်-ၽူႈလၵ်ႉလိူင်ႇၼမ်။
ယိင်ႈဝၢၼ်ႈမိူင်းဢမ်ႇမီးပၵ်းပိူင်မၢႆမီႈႁူမ်ႇငမ်းၵေႃႈယိင်ႈၶႅၼ်းၸူၼ်ႁၢႆႉ။ တီႈဝဵင်းမူႇၸေႊၼႆႉၼႂ်းၶၢဝ်းတၢင်းသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းၼႆႉၵမ်းၵမ်းၸူၼ်ၶဝ်ႈႁိူၼ်းၶဝ်ႈႁၢၼ်ႉ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#podcast
#ၽူႈတွႆႇႁွၵ်ႈ
