ႁဵတ်းၵၢၼ်ဢမ်ႇမီးတၢင်းသိူဝ်းၵေႃႈ ၵၢၼ်ငၢၼ်းဢမ်ႇၶိုပ်ႈၼႃႈၶိုၼ်ႈယႂ်ႇ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၵူၼ်းၵမ်ႈၼမ်ၼႆႉ ၶႂ်ႈမီးတၢင်းသိူဝ်းၼႂ်းၸူဝ်ႈပၢၼ်လႄႈ ၸင်ႇမၢင်ႉႁဵတ်းၵၢၼ် ၼင်ႇႁိုဝ်တေ ၵိၼ်ၵုမ်ႇၸႂ်ႉၵုမ်ႇမိူၼ် ပိူၼ်ႈလႆႈ။ ၵူၺ်းၵႃႈ ႁဵတ်းၵၢၼ်သေ ထိုင်တီႈဢမ်ႇႁူႉဝႃႈ တၢင်းသိူဝ်းပဵၼ်ဢီႈသင်ၼႆၼၼ်ႉၵေႃႈ မီးတင်း ၼမ်တင်းလၢႆ ။
သင်သမ်ႉႁဵတ်းၵၢၼ်ယူႇၵူႈဝၼ်း သမ်ႉဢမ်ႇမေႃဝၵ်ႉဢဝ် ႁႂ်ႈၸၢတ်ႈပၢၼ်ၸဝ်ႈၵဝ်ႇ မီးတၢင်းသိူဝ်း လႄႈၵတ်းယဵၼ်ၸႂ် လႆႈၼႆတႄႉႁိုင်မႃး ၸၢင်ႈတုမ်ႉတိူဝ်ႉပၢႆးတူဝ်လႄႈပၢႆးၸႂ်ၸဝ်ႈၵဝ်ႇသေဢမ်ႇၵႃး ပၼ်ႁႃ ဢၼ် ဢမ်ႇၶႂ်ႈပဵၼ်ၼၼ်ႉၵေႃႈ ၸၢင်ႈလႆႈပဵၼ် ။ ၼင်ႇႁိုဝ်တေဢမ်ႇပဵၼ်ၼၼ် ထုၵ်ႇလီလႆႈဝႆႉဝၢင်းၸႂ်လႄႈ ၸတ်းၶၢဝ်းယၢမ်း ၸူဝ်ႈပၢၼ်တူဝ်ၵဝ်ႇ ၽွင်းႁဵတ်းၵၢၼ် ၸိူင်ႉႁိုဝ်ၼႆၼၼ်ႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#podcast
#shannews
