ဢၢၼ်းၸတ်းပၢင်လိူၵ်ႈတင်ႈႁႂ်ႈပဵၼ် ၵူၼ်းမိူင်းတူၵ်းပဵၼ်ယိူဝ်ႇၶဵၼ် သင်ဢမ်ႇတူၺ်း
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
သိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းၼႆႉ ၼႄၶေႃႈဢၢင်ႈဝႃႈ တႃႇၸတ်းပၢင်လိူၵ်ႈတင်ႈ ဢၼ်မီးလွင်ႈၽဵင်ႇပဵင်း ပဵၼ်ထမ်း ၼႆ လၢတ်ႈၸပ်းသူပ်းၸပ်းပၢၵ်ႇမႃးဢမ်ႇထၢတ်ႇဢမ်ႇဝၢႆး။
ယိူင်းဢၢၼ်းဝႃႈတေၸတ်းပၢင်လိူၵ်ႈတင်ႈၼႂ်း လိူၼ်ဢေႃႊၵတ်ႉသ် 2025 ၼႆ ၸဵမ်မိူဝ်ႈတႄႇယိုဝ်းမိူင်းၼၼ်ႉမႃး ။
ၵူၺ်းဢမ်ႇပဵၼ်ၸွမ်းၼင်ႇလၢတ်ႈဝႆႉ ။ ၸင်ႇၶိုၼ်း ပိုၼ်ၽၢဝ်ႇလၢတ်ႈထႅင်ႈ ၼႂ်းလိူၼ်ဢေႃႊၵတ်ႉသ် 2025 ၼႆႉဝႃႈ တေၸတ်းပၢင်လိူၵ်ႈတင်ႈ ၼႂ်းဝၼ်းတီႈ 28/12/2025 ၼႆထႅင်ႈ။
ၵူၺ်းၵႃႈတေပဵၼ်မႃးၸိူင်ႉႁိုဝ်ထႅင်ႈၽႂ်ဢမ်ႇလၢမ်းလႆႈ၊ ၵူၼ်းမိူင်းတႄႉ ပေႃးၵဵဝ်ႇလွင်ႈ ၵၢၼ်ဝၢၼ်ႈၵၢၼ်မိူင်း မႃးၼႆ ဢိမ်ႇမိူဝ်ႇၼႃႇယဝ်ႉလႄႈ ဢမ်ႇႁၼ်ၽႂ်တိုၼ်ႇတဵၼ်ႈသႂ်ႇၸႂ်သင်ၸွမ်း ။
တိူၵ်ႈတီႈဝႃႈ လႆႈပဵၼ်ပၢင်လိူၵ်ႈတင်ႈ မႃးၵေႃႈ ၵူၼ်းမိူင်း ဢမ်ႇၸၢင်ႈမုင်ႈမွင်းသင်။ တိုၵ်ႉပဵၼ်ငဝ်းလၢႆးဢမ်ႇၽဵင်ႇပဵင်းယူႇလႄႈ ယင်းၸၢင်ႈၺႃးၵိၼ် ၸၢၵ်ႇၸွမ်းၵႄႈမၼ်းထႅင်ႈလူးၵွၼ်ႇ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ် ၵႂႃႇၶႃႈဢေႃႈ။
#podcast
#shannews
