သိုၵ်းမၢၼ်ႈ ပၼ်ၶွမ်ႊပၼီႊၶႄႇၶုတ်းၶမ်းတီႈမိူင်းၵျွတ်ႈ လူၺ်ႈဢမ်ႇထွမ်ႇသဵင်ၵၢင်ၸႂ်ၵူၼ်းမိူင်း
By – ၸၢႆးသႂ်ၸိုၼ်ႈမိူင်း
တႃႇပဵၼ်မႃးၸိုင်ႈမိူင်းၼိုင်ႈလုၵ်ႈၼႆႉ ပိူင်လူင်မၼ်းလႆႈတူၺ်းလၢႆၶၵ်ႉတွၼ်ႈ မိူၼ်ၼင်ႇ တၢင်းၵႂၢင်ႈ ၽႅၼ်ႇလိၼ်၊ တင်းၼမ်ႁူဝ်ၼပ်ႉၵူၼ်းမိူင်းလႄႈ သိင်ႇဝႅတ်ႉလွမ်ႉၾိင်ႈတိုၼ်းပဵၼ် ၸိူဝ်းၼႆႉ။
ၵွပ်ႈၼၼ် ႁႄႈ၊ ၸိုၼ်း၊ ငိုၼ်း၊ ၶမ်း ဢၼ်ဢွၵ်ႇၸွမ်းသၽႃႇဝၾိင်ႈတိုၼ်းပဵၼ် ၸိူဝ်းၼႆႉၵေႃႈ ပဵၼ်တွၼ်ႈဢၼ်လမ်ႇ လွင်ႈတႃႇဝၢၼ်ႈမိူင်းတႄႉတႄႉ။ ၸိုင်ႈမိူင်းၼိုင်ႈလုၵ်ႈၼႆႉ သင်ၺႃးၸဝ်ႈၸိၵ်းၸဝ်ႈၸွမ်ၶဝ် ႁၼ်ပုၼ်ႈ သုၼ်ႇတူဝ်သေ ဢမ်ႇဝႆႉၵႃႈၶၼ် ဢမ်ႇတူၺ်းႁၼ်ၵႂၢင်ႈၸိုင် ၸၢင်ႈမူၺ်ႉႁၢႆၼၼ်ႉယဝ်ႉ။
ၼႂ်းမိူင်းတႆးၼႆႉ ပႆႇထိုင်တီႈမူၺ်ႉႁၢႆသေတႃႉ ယွၼ်ႉဢမ်ႇမီးလွင်ႈမႅင်ႇၸႅၵ်ႇပၼ်ၶူဝ်းပူၺ်ႈၵိုၵ်းမိူင်း ႁႂ်ႈ ၽဵင်ႇပဵင်းလႄႈ မီးပၼ်ႁႃၵၢၼ်မိူင်းၵၢၼ်သိုၵ်းမႃး ပၢၼ်သိုပ်ႇပၢၼ် ဢမ်ႇယဝ်ႉဢမ်ႇဝၢႆးသေပွၵ်ႈ။
ထႅင်ႈ ၾၢႆႇၼိုင်ႈၵေႃႈ ယွၼ်ႉသိင်ႇဝႅတ်ႉလွမ်ႉလူႉလႄႈ ၵူၼ်းမိူင်း လႆႈတုၵ်ႉလႆႈယၢပ်ႇၸွမ်းၽေးသၽႃႇဝထႅင်ႈ ။ မိူဝ်ႈလဵဝ် ပွတ်းတၢင်းမိူင်းၵျွတ်ႈ ဢၼ်မီးၼႂ်းၸႄႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇ ၼႆႉၵေႃႈ သိုၵ်း မၢၼ်ႈၶဝ် ပၼ်ၶွမ်ႊပၼီႊၶႄႇ မႃးၶုတ်းႁႄႈၶုတ်းၶမ်းထႅင်ႈ လူၺ်ႈဢမ်ႇထွမ်ႇသဵင် ၵၢင်ၸႂ်ၵူၼ်းမိူင်း။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#podcast
#Shannews
