ဢၼ်ၺႃးယႃႉသမ်ႉပဵၼ်ၶူဝ်ၵိုတ်ႈ ဢၼ်လူႉၵွႆသမ်ႉပဵၼ်ၼမ်ႉၸႂ်ၵူၼ်းမိူင်း
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၶူဝ်ဢၼ်သုင်သုတ်းၼႂ်းဢေႊသျႃႊ ဢၼ်ၵိုၵ်းပိုၼ်းမႃး ၼႂ်းၶၢဝ်းတၢင်း 125 ပီ ၊ ဢၼ်တႆးႁွင်ႉဝႃႈ ၶူဝ်ၵိုတ်ႈ ၼႆၼၼ်ႉ လူႉၵွႆယွၼ်ႉၼမ်ႉမိုဝ်းၸုမ်းယိပ်းၵွင်ႈၵၢင်ႇၶဝ်ၵႂႃႇ ၼႂ်းဝၼ်းတီႈ 24/08/2025 ။
ဢိင်ၼိူဝ်လွင်ႈၶူဝ်ၵိုၵ်းပိုၼ်းမိူင်းတႆး လူႉၵွႆၼႆႉသေ ၵူၼ်းမိူင်းဢွၼ်ၵၼ် တႅမ်ႈတၢင်ႇလွင်ႈမၼ်းၼိူဝ်သိုဝ်ႇဢွၼ်ႊလၢႆႊပေႃးလၢႆးၸၢႆႉၸၢႆႉ ။ ၼိုင်ႈၵေႃႉႁၼ်ထိုင်ၼိုင်ႈလွင်ႈလႄႈ ၸင်ႇဢွၵ်ႇၶေႃႈထဵင်ၵၼ်မႃး ။
ၵူၼ်းမိူင်းမၢၼ်ႈထုင်ႉပဵင်းၵေႃႈႁၼ်ထိုင်လွင်ႈၼိုင်ႈ ၵူၼ်းမိူင်းတႆးသၼ်လွႆၵေႃႈ ၶုၺ်ႉႁၼ်လွင်ႈၼိုင်ႈလႄႈ တင်းသွင်ၾၢႆႇ ပဵၼ်လွင်ႈႁီႉၼႄးၵၼ်ဝႆႉ။
ၵူၼ်းမိူင်းၼင်ႇၵၼ်ၵူၺ်းၵေႃႈ ယင်းပႆႇၶဝ်ႈၵၼ်လႆႈလႄႈ တႃႇသၢင်ႈမိူင်းၵတ်းယဵၼ်ၶိုၼ်ႈယႂ်ႇၼၼ်ႉ တေၼၢၼ်းထႅင်ႈၵႃႈႁိုဝ် ဝူၼ်ႉယဝ်ႉလီၼၵ်းၸႂ်တႃႇမိူဝ်းၼႃႈ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ ။
#podcast
#Shannews
#ၽူႈတွႆႇႁွၵ်ႈ
