လိၵ်ႈတႆးၶဝ်ႈၼႂ်း google translate တဵမ်ပီ တႃႇသိုပ်ႇလီ ႁႂ်ႈပူၵ်းပွင်လိၵ်ႈတႆးၵူႈဢွင်ႈတီႈ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
Google တႄႉ မၵ်းမၼ်ႈပိုၼ်ၽၢဝ်ႇၵႂႃႇ လွင်ႈလိၵ်ႈတႆးၶဝ်ႈၼႂ်းတွၼ်ႈ Translate ယဝ်ႉဝႃႈၼႆသေတႃႉ ၵူၼ်းတႆးၸိူဝ်းႁၼ်လီ ၵမ်ႉထႅမ် ဝႆႉၼမ်ႉၼၵ်းသေ ပၼ်ႁႅင်းၵေႃႈမီး။ၵူၼ်းၸိူဝ်း ယိူင်းႁၼ်တီႈယူပ်ႈယွမ်းသေ လၢတ်ႈဝႃႈဢမ်ႇၶဝ်ႈတၢင်းတိုဝ်းၼႆၵေႃႈ မီး ၼႆ ၵူၼ်းၼုမ်ႇတႆးၵေႃႉၼိုင်ႈလၢတ်ႈ။
ၵူၺ်းၵႃႈ ၵူၼ်းၸိူဝ်းသူၼ်ၸႂ် လႄႈ ႁၵ်ႉၼိူဝ်လိၵ်ႈလၢႆးတႆးၸိူဝ်းၼႆႉတႄႉ ဢၼ်ၶႅမ်ႉၵေႃႈ ႁႂ်ႈမၼ်းၶႅမ်ႉထႅင်ႈ ဢၼ်ၶိုၵ်ႉၵေႃႈ ႁႂ်ႈမၼ်းသိုပ်ႇၶိုၵ်ႉတွၼ်းၵႂႃႇၼၼ်ႉ ဢွၼ်ၵၼ်မုင်ႈမွင်းၽူႈလူင်ႉလႅၼ်ႇလၢႆၾၢႆႇပူၵ်းပွင်ပၼ်ယူႇ။
မိူၼ်ၼင်ႇ ၸဝ်ႈၽူႈလူင်ႉလႅၼ်ႇ ၾၢႆႇဢၢႆႊထီႊ IT ၼႂ်းတႆး လၢႆၸဝ်ႈလၢႆတူၼ်လၢႆၵေႃႉၵေႃႈ တႃႇႁႂ်ႈလိၵ်ႈတႆး ၵႂၢမ်းတႆး တေၶိုၼ်ႈသင်ႉၶိုတ်းပၢၼ်ၼၼ်ႉ ႁိုဝ်ႁွၼ်ႇႁူၼ်ထွႆ ၊ တိုၼ်းၶတ်းသၢင်ႈမႃးယူႇဢမ်ႇယင်ႉ ဢမ်ႇလိုဝ်ႈ။ ငဝ်းလၢႆးၼႂ်း ဝၢၼ်ႈၼႂ်းမိူင်း တေသုၵ်ႉၵႃႈႁိုဝ်ၵေႃႈ ၶဝ်တိုၼ်းပၵ်းၸႂ်ႁဵတ်းၵႂႃႇယူႇၼႆ ၾၢႆႇဢၢႆႊထီႊတႆးၵေႃၼိုင်ႈၵေႃႈလၢတ်ႈၼင်ႇၼႆ။
#ၽူႈတွႆႇႁွၵ်ႈ #SHANNEWS #podcast
