သိုၵ်း TNLA ဢဝ်ယႃႈမဝ်းၵမ်ႁဵတ်းၼႃႈတိူဝ်ႈ တင်ႈၵဵတ်ႉ/လၢၼ်ႇလၢႆတီႈ ၼႂ်းၸႄႈဝဵင်းၼမ်ႉၶမ်း
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၸႄႈဝဵင်းၼမ်ႉၶမ်းၼႆႉ လင်ပၢင်တိုၵ်းယၼ်ႇသိုၵ်း 1027 မႃး သိုၵ်းတဢၢင်း TNLA ပိုၼ်ၽၢဝ်ႇ ပၼ်ႇၵၢၼ်ၽွင်းငမ်းႁင်းၶဝ်ဝႆႉ ထိုင်မိူဝ်ႈလဵဝ် ။ မၢင်ၸိူဝ်းၵေႃႈ လၢတ်ႈဝႃႈ သိုၵ်းၸၢဝ်းၶိူဝ်းၽွင်းငမ်းၼႆႉ ၶႅၼ်းသေ သိုၵ်းမၢၼ်ႈၽွင်းငမ်းၼႆသေ ၶတ်းၸႂ်ယူႇၸွမ်းႁႂ်ႈလႆႈ ။ မၢင်ၸိူဝ်းၵေႃႈ ဝႃႈ သိုၵ်းၸၢဝ်းၶိူဝ်းၽွင်းငမ်းၼႆႉ ပႆႇမီးပၵ်းမီးပိူင်သင်ၵႅၼ်ႇၶႅင် လႄႈ ဢဝ်ၵူၼ်းမိူင်းလႆႈတူၵ်းၼႂ်းၵႄႈၽေးၵူႈပိူင်ပိူင် ၼႆၵေႃႈမီး ။
ၼႂ်းၵႄႈၼႆႉ သိုၵ်းတဢၢင်း ၵႆႉပၼ်ႇလဵပ်ႈၸွမ်းဝၢၼ်ႈသူၼ်ၵူၼ်းမိူင်းလႄႈ ၵူၼ်းမိူင်းၼမ်ႉၶမ်း မႆႈၸႂ်လၢႆပိူင် ဢမ်ႇတမ်းၸႂ် ဢမ်ႇၵတ်းၸႂ်လႆႈ ။ မိူၼ်မိူဝ်ႈလဵဝ် ဢဝ်ၶေႃႈဢၢင်ႈဝႃႈ တႃႇမူၺ်ႉယႃႈမဝ်းၵမ်ၼႆသေ တင်ႈၵဵတ်ႉၼႂ်းမူႇၼႂ်းဝၢၼ်ႈထႅင်ႈ ၵူၼ်းမိူင်းယိင်ႈၶႅၼ်းမႆႈၸႂ် ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#ၽူႈတွႆႇႁွၵ်ႈ
#ShanNews