ၸဝ်ႈၶူးမႁႃႇဢၼုၽၼ်ႊ ၸဝ်ႈၽူႈဢွၼ်ၼမ်းၸတ်းပၢင်ၸႃပၼ သၶႁ ၼၼ်ႉ ၵိုင်ႉၵၢင်ႉ လူႉလွၼ်ႇ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
မိူဝ်ႈပူၼ်ႉမႃး သိပ်းႁႃႈပီ ၼၼ်ႉ ယၢမ်ႈမီးပၢင်ၸႃပၼယႂ်ႇလူင်ဢၼ်ၼိုင်ႈ တီႈဝဵင်းၵဵင်းမႂ်ႇ ထိုင်တီႈပလိၵ်ႈၵုမ်းရူတ်ႉၵႃးပေႃးယၢမ်ႈထၢမ်ဝႃႈပဵၼ်ၸႃပၼ ၸဝ်ႈၾႃႉပႃးလႂ် ၵူၼ်းပေႉမႃးၵိုၼ်း ၼႆလူးၵွၼ်ႇ။ ပၢင်ၸႃပၼၼၼ်ႉ ၸတ်းႁဵတ်း တီႈဝတ်ႉပႃႈပဝ်ႇ ၵၢင်ဝဵင်းၵဵင်းမႂ်ႇ။ ၼၼ်ႉၵေႃႈ ပဵၼ်ပၢင်ၸႃပၼ ၶူးသႅင်ၸိုၼ်ႈ သၶႁ ၵေႃႉၵိုၵ်းပိုၼ်းၼႂ်းၵၢၼ်လုၵ်ႉၽိုၼ်ႉလႄႈပၢႆးမွၼ်းတႆး ။ ပၢင်ၸႃပၼ ၼၼ်ႉပဵၼ်သင်ႇၶႃႇၸဝ်ႈလႄႈပီႈၼွင်ႉ လုမ်းလၢင်း တီႈၸမ်တီႈၵႆ ၶွၼ်ႈႁႅင်းၵၼ်ၸတ်းပၼ် ။
ပဵၼ်ဢၼ်ၵိုၼ်းၶွၼ်ႈၶႅမ်ႉလႅပ်ႈယဝ်ႉတူဝ်ႈလီငၢမ်း ဢမ်ႇမီးလွင်ႈ ၸုတ်ႈယွမ်းၶွင်ႉၶမ်သင်။ ၼႂ်းၽူႈၼမ်းၸတ်းပၢင်ၸႃပၼ ၼၼ်ႉ ပႃးသင်ၶတႆးတူၼ်ၼိုင်ႈ ၸိုဝ်ႈ ၸဝ်ႈၶူးမႁႃႇဢၼုၽၼ်ႊ ။ လႆႈဝႃႈၼမ်ႉၵတ်ႉမၼ်းၸဝ်ႈ ၼႆႉဢမ်ႇငၢႆႈငၢႆႈ။ ၼွၵ်ႈလိူဝ်ပၢင်ၸႃပၼ ၼၼ်ႉယဝ်ႉ ပၢင်ၵိၼ်လူႇလူႉတၢႆ – ပၢင်မၢႆတွင်း သႃသၼႃလႄႈ ၾိင်ႈငႄႈၾိင်ႈထုင်း ၸိူဝ်ႉၶိူဝ်းတႆး ၼႂ်းမိူင်းၵဵင်းမႂ်ႇၶႂ်ႈဝႃႈၵူႈတီႈၵူႈပၢင် ပႃးမၼ်းၸဝ်ႈဢွၼ်ႁူဝ်ၸတ်းႁဵတ်းမႃးၵူႈမိူဝ်ႈတႃႇၶၢဝ်းတၢင်း ႁိမ်း 20 ပီ။
မိူဝ်ႈလဵဝ် မၼ်းၸဝ်ႈ ၵိုင်ႉၵၢင်ႉလူႉလွၼ်ႇၵႂႃႇ လႄႈ ႁဵတ်းႁႂ်ႈပီႈၼွင်ႉတႆး ပႃးၸဵမ်ၵူၼ်းမိူင်း ၵူၼ်းထႆး ဢွၼ်ၵၼ် သေးလၢႆမွင်ၸႂ်ၸွမ်း။ ယွၼ်ႉဝႃႈ မၼ်းၸဝ်ႈ ယၢမ်ႈတူင်ႉၼိုင်ႈ ႁဵတ်းသၢင်ႈတႃႇၵူၼ်းၼမ်မႃးလၢႆၶၵ်ႉလၢႆတွၼ်ႈ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#ၽူႈတွႆႇႁွၵ်ႈ
#ShanNews