ၵူၼ်းၽႃၵၢၼ်ႉထူပ်းၽေးၼမ်ႉထူမ်ႈလိၼ်ၵူၼ်ႇ ၵူၼ်းၸိူဝ်းၶုတ်းသႅင်တႄႉ ဢမ်ႇသူၼ်ၸႂ်
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ဝၢၼ်ႈဢၼ်မီးၼႂ်းၽႃၵၢၼ်ႉၼႆႉ မၢင်ဝၢၼ်ႈယူႇၼိူဝ်လွႆ မၢင်ဝၢၼ်ႈယူႇတိၼ်လွႆ မၢင်ဝၢၼ်ႈ ယူႇတီႈၶူင်ႈတီႈယၢၼ်း ။ ၵွပ်ႈပိူဝ်ႈၸဝ်ႈငိုၼ်းသႃးမႃးလူင်းတိုၼ်း ၶုတ်းသႅင် ၶုတ်းလိၼ်ယႃႉလွႆ မီးမႃးလၢႆသိုပ်ႇလၢႆပၢၼ်။ လႄႈ ပေႃးထိုင် ၶၢဝ်းၾူၼ် ၼမ်ႉၼွင်းမႃး ၼမ်ႉထူမ်ႈငၢႆႈ ။ ၶုတ်းၵႃႈႁိုဝ်ၵေႃႈ ပႆႇဝႃႈပေႃးလႄႈ ထိုင်တီႈၼမ်ႉလိၼ်ႁိၼ်ၽႃ ၼႂ်းၽႃၵၢၼ်ႉ လူႉၵွႆ ။
ၵူၼ်းမိူင်းပိုၼ်ႉတီႈသမ်ႉ လႆႈၺႃးၽွၼ်းယွၼ်ႈမၼ်းထိုင်မိူဝ်ႈၼႆႉ။ၼႂ်းၵၢင်လိူၼ်ၵျူႊလၢႆႊၼႆႉ ၾူၼ်သိင်း လၢႆဝၼ်း ထပ်းၵၼ် ၼမ်ႉႁူၺ်ႈၼမ်ႉလွႆ လေႃႈၶဝ်ႈၼႂ်းၵႄးၼမ်ႉဢူးရူး လူၼ်ႉၾင်ႇ လုပ်ႇထူမ်ႈလၢႆပွၵ်ႉလၢႆဝၢၼ်ႈ။လိၼ်ၵူၼ်ႇပင်းတဵင်သႂ်ႇႁိူၼ်းဢမ်ႇယွမ်း 30 လင်။
ၵူၼ်းမိူင်းထူပ်းၽေးသမ်ႉပေႃးဢမ်ႇၸၢင်ႈယူႇၸၢင်ႈသဝ်းၵေႃႈ ၵူၼ်းၸိူဝ်းၶုတ်းသႅင်ၶဝ်တႄႉ ဢမ်ႇဢဝ်သႂ်ႇၸႂ်။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#ၽူႈတွႆႇႁွၵ်ႈ
#ShanNews
