ၵူၼ်းမိူင်းၽျၢၵ်ႈ တုၵ်းယွၼ်းႁႂ်ႈ ၵိုတ်းၵၢၼ်ၶုတ်းၶမ်း ဢၼ်တုမ်ႉတိူဝ်ႉသူၼ်ႁႆႈၼႃး
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
မိူင်းတႆးၼႆႉ ပဵၼ်မိူင်းဢၼ် ၼမ်ႉလိၼ်ႁိၼ်ၽႃၶိုၵ်ႉၶႅမ်ႉၸိုၼ်ႈသႂ်လႄႈ ၸၢဝ်းၶိူဝ်းၼႂ်းမိူင်းတႆး လႆႈပိုင်ႈယူႇပိုင်ႈၵိၼ်မႃးၸဵမ်မိုၼ်ႉသိုၼ်းၵွၼ်ႇ ဢမ်ႇမီးၽေးရေႃးၵႃႇတၢင်းပဵၼ်သင်ႁၢဝ်ႈႁႅင်း။ဝၢႆးသေ မိူင်းတႆး ထုၵ်ႇၽူႈၼမ်းသိုၵ်းမၢၼ်ႈ ၸႅၵ်ႇထႅၵ်ႇလၢႆပၢၼ်ယဝ်ႉၼၼ်ႉ ၼမ်ႉလိၼ်ႁိၼ်ၽႃဢၼ်ၸိုၼ်ႈသႂ်ၵေႃႈ ၺႃးယႃႉၺႃးတဝ် ၶုတ်းဢဝ်ၶူဝ်းငဝ်ႈတိုၼ်းၼႂ်းၼမ်ႉၼိူဝ်လိၼ် ဢမ်ႇၵိုတ်းဢမ်ႇယင်ႉ။
ထိုင်မိူဝ်ႈလဵဝ် ၸဝ်ႈငိုၼ်းသႃးၶဝ် တိုၵ်ႉသိုပ်ႇၶႂ်ႈၶုတ်းၶႂ်ႈဢဝ်ယူႇၶိူဝ်းယႂ်း ၵႃႈႁိုဝ်ၵႃႈဢမ်ႇပေႃး။ ပွတ်းတၢင်းမိူင်းၽျၢၵ်ႈၸိုင်ႈတႆးပွတ်းဢွၵ်ႇၼႆႉၵေႃႈ ၵူၼ်မိူင်းယၢမ်ႈဢွၵ်ႇသဵင်မႃးလၢႆးၵမ်း ဝႃႈ ၵၢၼ်ၶုတ်းၶမ်းၼႆႉ တုမ်ႉတိူဝ်ႉၵၢၼ်ၽုၵ်ႇသွမ်ႈၵူၼ်းပိုၼ်ႉတီႈ။ ၵူၺ်းၵႃႈ ၽူႈမီးပုၼ်ႈၽွၼ်းၶဝ်ဢမ်ႇၵႄႈလိတ်ႈသင်ပၼ်လႆႈ။ ၶၢဝ်းသိုၵ်းမၢၼ်ႈယိုတ်းမိူင်းထႅင်ႈ 2021 ၼႆႉသမ်ႉ ၸဝ်ႈငိုၼ်းသႃးၶဝ်ယိင်ႈထၢင်ႇႁၢင်ႈလူင်းမိုဝ်းႁဵတ်း။ ၵူၼ်းမိူင်းၽျၢၵ်ႈတႄႉ တုၵ်းယွၼ်း ယႃႇႁႂ်ႈပၼ်ႇၵၢၼ်ၶုတ်းၶမ်းထႅင်ႈ ဝႃႈၼႆ။လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#ၽူႈတွႆႇႁွၵ်ႈ
#ShanNews
