တႃႈႁိူဝ်းဝၢၼ်ႈပုင်ႇ(မိူင်းၽူင်း) တႄႇပၼ်ႇၵၢၼ်ၶိုၼ်း ၸၢင်ႈမီးၽွၼ်းယွၼ်ႈ လီဢိၵ်ႇၸႃႉ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ဢၼ်ႁဵတ်းႁႂ်ႈ ၵူၼ်းတင်းလုမ်ႈၾႃႉ တူၵ်းၵိၼ်းႁႅင်းၼႆႉ ပႃးလူၺ်ႈတၢင်းပဵၼ်ၶူဝ်ႊဝိတ်ႉ19 လၢမ်းၽႄႈ ၼႂ်း 2019 – 2020 လၢမ်းထိုင် 2-3 ပီ ။ ပႃးၸဵမ်ၵူၼ်းၼႂ်းမိူင်းႁူမ်ႈတုမ်မၢၼ်ႈပတ်းပိုၼ်ႉ ၺႃးၽွၼ်းတုမ်ႉယွၼ်ႈမၼ်းထိုင်မိူဝ်ႈလဵဝ် ။ တေႃႈၼင်ႇၼႂ်းမိူင်းတႆးၼႆႉၵေႃႈ ထိုင်မိူဝ်ႈလဵဝ် ၵူၼ်းမိူင်းတိုၵ်ႉၺႃးၽွၼ်းယွၼ်ႈ ။
မိူၼ်ၼင်ႇ တႃႈႁိူဝ်းဝၢၼ်ႈပုင်ႇ-မိူင်းမွမ်း ဢၼ်မီးတီႈမိူင်းၽူင်း ၸႄႈတွၼ်ႈတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼၼ်ႉ ၺႃးပိၵ်ႉဢိုတ်းဝႆႉ ဢမ်ႇပၼ်ၵူၼ်းမိူင်းတင်းၾင်ႇတႆး-ၾင်ႇလၢဝ်းၶဝ်ႈဢွၵ်ႇၸူးၵၼ်ႁိုင်ထိုင် 6 ပီပၢႆ တုမ်ႉယွၼ်ႈၵၢၼ်ႁႃၵိၼ်လဵင်ႉတွင်ႉၵူၼ်းမိူင်း ။ မိူဝ်ႈလဵဝ်တႄႉ ၶိုၼ်းပိုတ်ႇယဝ်ႉၼႆသေတႃႉ ၵူၼ်းမိူင်းပိုၼ်ႉတီႈ တင်းၸူမ်းတင်းမႆႈၸႂ်ယူႇ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#ၽူႈတွႆႇႁွၵ်ႈ
#ShanNews
