ၵႂၢႆးတေႃးၵၼ်သၢင်ႈတႄးၼႃး ၸုမ်းယိပ်းၵွင်ႈ 2 ၸုမ်းၽိတ်းၵၼ် တိူဝ်ႉၵူၼ်းမိူင်း
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ပေႃးၽူႈပွင်မိူင်းဢမ်ႇလီ ၵူၼ်းမိူင်းၼႆႉ ယူႇလႂ်ၵေႃႈ မီးၽေးၼမ်တီႈၼၼ်ႈ ဢမ်ႇတွၼ်ႉလႆႈယူႇၵတ်းယဵၼ်လွတ်ႈၶဵၼ် ။ ပွတ်းတၢင်းမိူင်းႁူမ်ႈတုမ်မၢၼ်ႈတွၼ်ႈၼိူဝ် ၼႂ်းတိူင်းၸႄႈၵႅင်းလႄႈ ၼႂ်းမိူင်းၶၢင်ၸိူဝ်းၼႆႉၵေႃႈ ၸဵမ်မိူဝ်ႈသိုၵ်းမၢၼ်ႈ ပႆႇယိုတ်းမိူင်း ၸၢဝ်းတႆးလႅင် ၸၢဝ်းၶၢင် ဢမ်ႇသူႈလႆႈယူႇသႃႇလူမ်ၸႂ် ယွၼ်ႉမီးၸုမ်းယိပ်းၵွင်ႈၵၢင်ႇၼင်ႇၵၼ် ၵႆႉတုမ်ႉတိူဝ်ႉၵၼ် ။
ၸုမ်းယိပ်းၵွင်ႈၵၢင်ႇဢမ်ႇသူႈဝႆႉၵၢင်ၸႂ်ၵူၼ်းမိူင်းပဵၼ်ယႂ်ႇ ပေႃးထၢင်ႇထိူမ်သင်ဢိတ်းဢွတ်းၵေႃႈ တီႉၺွပ်းၵုမ်းၶင် ။ ၼႂ်းႁူဝ်လိူၼ်ၼႆႉၵူၺ်း ၽူႈႁၵ်ႉၾိင်ႈငႄႈလိၵ်ႈလၢႆးတႆးလႅင် ၺႃးသိုၵ်းၶၢင်တီႉၺွပ်းၵႂႃႇ ဢမ်ႇယွမ်း 4 ၵေႃႉ လူၺ်ႈဢမ်ႇလၢတ်ႈလွင်ႈတၢင်းသင်တီႈၵူၼ်းဝၢၼ်ႈၵူၼ်းမိူင်း။
ဝၢႆးၼၼ်ႉ ၾၢႆႇသိုၵ်းတႆးလႅင်ၵေႃႈ သမ်ႉၶိုၼ်းတီႉၺွပ်း ၸၢဝ်းၶၢင် ဢမ်ႇယွမ်း 30 ၵေႃႉတီႈမိူင်းၵွင်ၼႆထႅင်ႈ။ ပေႃးသိုၵ်း 2 ၸုမ်းဢမ်ႇထုၵ်ႇမေႃးၵၼ်ၸိုင် ၵူၼ်းမိူင်းၵူၺ်းတေသၢင်ႈ။ ဢၼ်ၵူၼ်းလုမ်ႈၾႃႉမုင်ႈမွင်းယူႇႁူမ်ႈၵၼ်ၵတ်းၵတ်းယဵၼ်ယဵၼ်ဢၼ်ဝႃႈၼၼ်ႉၵေႃႈ တေဢမ်ႇၸၢင်ႈလႆႈသေပွၵ်ႈယဝ်ႉ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးၼႄပၼ်ၵႂႃႇၶႃႈဢေႃႈ။
#ၽူႈတွႆႇႁွၵ်ႈ
#ShanNews
