ပေႃးၵူၼ်းၵႃႉၶူဝ်းၽိတ်းထၢင်ႇႁၢင်ႈ ၵူၼ်းႁဵတ်းၵၢၼ်သိုဝ်ႈယူဝ်းၵပ်ႉၵိၼ်း
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ပေႃးဝႃႈ မုင်ႉႁေႃႁိူၼ်းလႂ် မီးၵူၼ်းဢၼ်ၾိင်ႈယၢမ်ႈလူႉၸိုင် ၼႃႈႁိူၼ်းၼၼ်ႉ တေဢမ်ႇမူၼ်း ၊ ၵူၼ်းႁူမ်ႈႁိူၼ်းၵေႃႈ ပဵၼ်ႁွၼ်ႉပဵၼ်မႆႈၸွမ်း ။ ဝၢၼ်ႈၼိုင်ႈဝၢၼ်ႈ မိူင်းၼိုင်ႈမိူင်းၼၼ်ႉ ပေႃးမီးၵူၼ်းၾိင်ႈယၢမ်ႈလူႉၼမ် ၵူၼ်းယူႇႁူမ်ႈဝၢၼ်ႈလဵဝ်မိူင်းလဵဝ်ၵၼ်ၵေႃႈ လႆႈသုၵ်ႉၸွမ်း ။ မိူၼ်ငဝ်းလၢႆးၵၢပ်ႈဝၢၼ်ႈပၢၼ်မိူင်းမိူဝ်ႈလဵဝ် ဢိင်ၼိူဝ် ၵူၼ်းၵေႃႇၵၢၼ်ႁၢႆႉၼမ်မႃးလႄႈ ၵူၼ်းၸိူဝ်းႁဵတ်းႁႃၵိၼ်သိုဝ်ႈယူဝ်းၵေႃႈ လႆႈယၢပ်ႇၸွမ်း ။
တီႈၶူဝ်ၶၢမ်ႈတႃႈၶီႈလဵၵ်း-မႄႈသၢႆၼႆႉ မီးၵူၼ်းၼႄၼႃႈတိူဝ်ႈဝႃႈ တေႃႉၶူဝ်းၵုၼ်ႇၼႆသေ ၽိူဝ်ႇ ၸဝ်ႈၼႃႈတီႈၶဝ်ထတ်းတူၺ်းသမ်ႉ ႁၼ် ယႃႈမဝ်းၵမ် ။ ဝၢႆးႁူႉၸိူင်ႉၼၼ်ယဝ်ႉ ၸဝ်ႈၼႃႈတီႈဢၼ်ပႂ်ႉၶူဝ်တင်းသွင်ၾင်ႇ ၵူတ်ႇထတ်းႁၢဝ်ႈႁႅင်းလႄႈ ၵူၼ်းၸိူဝ်းတေႃႉၶူဝ်းၵုၼ်ႇၸွမ်းပၵ်းၸွမ်းပိူင်သမ်ႉ လႆႈသုၵ်ႉၸႂ် ၊ လႆႈသုမ်းၶၢဝ်းယၢမ်းၸွမ်း။လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ
#ၽူႈတွႆႇႁွၵ်ႈ
#ShanNews
