ၸုမ်းလုၵ်ႉၽိုၼ်ႉ ဢဝ်မွၵ်ႇတႅၼ်းသဵင်ၵၢင်ၸႂ် ႁပ်ႉဝၼ်းၵိူတ်ႇ တေႃႇဢွင်ႇသၢၼ်းၸူႉၵျီႇ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
သိုၵ်းမၢၼ်ႈ တီႉၺွပ်းၵုမ်းၶင်တူဝ် တေႃႇဢွင်ႇသၢၼ်းၸူႉၵျီႇ ၸဵမ်မိူဝ်ႈၼႂ်းႁူဝ် ပီ 2021 ၼၼ်ႉမႃး တေႃႇထိုင်ယၢမ်းလဵဝ် လိပ်းၶီးမီးၸႂ်ႁႃႉဢမ်ႇမီးၵေႃႈ ဢမ်ႇႁၼ်သိုၵ်းမၢၼ်ႈပိုၼ်ၽၢဝ်ႇဢွၵ်ႇတႅၵ်ႇလႅင်း ။ ပေႃးၸမ်ထိုင်ဝၼ်းၵိူတ်ႇ တေႃႇဢွင်ႇသၢၼ်းၸူႉၵျီႇမႃး ၵူႈပီပီၼႆ ၵူၼ်းၼႂ်းမိူင်းၼွၵ်ႈမိူင်း တူင်ႉၼိုင်တႃႇ တေႃႇဢွင်ႇသၢၼ်းၸူႉၵျီႇ ႁႂ်ႈၸဵဝ်းပူၼ်ႉလွတ်ႈတူတ်ႈတၢမ်ႇၶွၵ်ႈဢၼ်သိုၵ်းမၢၼ်ႈၵုမ်းၶင် ၼႆယူႇသေတႃႉဢမ်ႇႁၼ်ၶိုပ်ႈၼႃႈသင် ။
ပီၼႆႉၵေႃႈ ၸုမ်းလုၵ်ႉၽိုၼ်ႉလၢႆၸုမ်း တိုၵ်းသူၼ်း ၵူၼ်းမိူင်းပတ်းပိုၼ်ႉ ႁႂ်ႈတူင်ႉတိုၼ်ႇၼႄၵၢင်ၸႂ်တေႃႇသိုၵ်းမၢၼ်ႈ ၼင်ႇႁိုဝ် တေႃႇဢွင်ႇသၢၼ်းၸူႉၵျီႇ လႄႈ ၵူၼ်းတူၵ်းၶွၵ်ႈၵၢၼ်မိူင်းတေ ၸဵဝ်းဢွၵ်ႇ ပူၼ်ႉလွတ်ႈ ။ ၵွၼ်ႇပႆႇထိုင် ဝၼ်းၵိူတ်ႇမၼ်းၼၢင်းၼႆႉ တေတူင်ႉၼိုင်ၵႂႃႇတီႈၽႂ်တီႈမၼ်းၼႆယူႇ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#ၽူႈတွႆႇႁွၵ်ႈ
#ShanNews
