ၵွင်းမုင်ႈမိူင်းႁႃႉ ၵွင်းမုင်ႈမွင်း
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၵူၼ်းမိူင်းတႆးၼႆႉ ၸဵမ်မိုၼ်ႉသိုၼ်းၵွၼ်ႇ ၶၢႆႉၸူးလိၼ်တီႈၸမ်ႉၼမ်ႉတီႈလီမႃး ပၢၼ်သိုပ်ႇပၢၼ်ၼႆ ၵႆႉႁၼ်ၽူႈတႅမ်ႈလိၵ်ႈ လၢႆၸဝ်ႈ တႅမ်ႈမၢႆဝႆႉၼင်ႇၼႆ ။ ၵူၺ်းၵႃႈ ဢၼ်ၶၢႆႉပၢႆႈလူၺ်ႈတင်းတဵမ်ဢူၵ်းတဵမ်ၸႂ်ၼၼ်ႉ ၸွင်ႇတေမီးတႄႉယူႇႁိုဝ်ၼႆ ပဵၼ်ၵႂၢမ်းထၢမ်ဝႆႉဢၼ်ၼိုင်ႈ ။
ယွၼ်ႉဝႃႈ ၵူၼ်းမိူင်းတႆးၼႆႉ ၵမ်ႈၼမ် ပၢႆႈယွၼ်ႉ ၸုမ်းၸိူဝ်းႁိမ်ၸိင်းဢႃႇၼႃႇၶဝ် ၽၼ်းယိုဝ်းတိုၵ်းတေႃးၵၼ် ။ ဢၼ်ပၢႆႈယွၼ်ႉၵၢၼ်ႁႃၵိၼ်လဵင်ႉတွင်ႉ ဢမ်ႇတဵမ်ထူၼ်ႈ ၼႆႉမီးၵမ်ႈဢႄႇၵူၺ်း ။
ပၢႆႈလူၺ်ႈလွင်ႈတၢင်း ဢမ်ႇမိူၼ်ၵၼ်သေတႃႉ ပေႃးၶဝ်ႈၸိုဝ်ႈဝႃႈပၢႆႈၼႆ တိုၼ်းလႆႈတုၵ်ႉ လႆႈယၢပ်ႇၸႂ် ။ မိူၼ်ၼၼ်ၼင်ႇၵဝ်ႇ ၵူၼ်းမိူင်းၸိူဝ်းပၢႆႈသွၼ်ႈဝႆႉတီႈၵွင်းမုင်ႈမိူင်း ၼႂ်းၸႄႈတွၼ်ႈလၢင်းၶိူဝ်း မိူင်းတႆးပွတ်းၸၢၼ်း ဢၼ်တိတ်းၸပ်းဝၢၼ်ႈရၵ်ႉထႆး ၸႄႈတွၼ်ႈမႄႈႁွင်ႈသွၼ်ၸိုင်ႈထႆးၼႆႉၵေႃႈ ထိုင်မိူဝ်ႈလဵဝ် တိုၵ်ႉလႆႈသူႈၸၢတ်ႈပၢၼ်ယူႇမိူၼ်ၵၼ် ။
ၵူၼ်းဝၢၼ်ႈတိုၵ်ႉမွင်းႁႂ်ႈဝၢၼ်ႈမိူင်းတႆးၸဵဝ်းၵတ်းယဵၼ် ၸဵဝ်းလွတ်ႈၶဵၼ်ယူႇ မုင်ႈမွင်းႁႂ်ႈမီးဢၼႃႇၵၢတ်ႈလီလီယူႇ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#ၽူႈတွႆႇႁွၵ်ႈ
#ShanNews
