ၾိင်ႈၵႃႈၼူၵ်ႉၵိင်ႇၵလႃႇ ပဵၼ်ၾိင်ႈတႆး ဢၼ်ထႆးဝႆႉၵႃႈၶၼ်ႁၵ်ႉသႃဝႆႉ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၼႂ်းၵူႈဝၼ်းဝၼ်းၼႆႉ ၵူႈလွင်ႈၵူႈဢၼ် လႅၵ်ႈလၢႆႈၶိုၼ်ႈယႂ်ႇမႃးဢမ်ႇထၢတ်ႇဢမ်ႇၶၢတ်ႇ ။ မိူၼ်ၼင်ႇ ၾိင်ႈယူႇၾိင်ႈၵိၼ် ၸိူဝ်းၼႆႉ လႅၵ်ႈလၢႆႈၸွမ်းငဝ်းလၢႆး ဢၼ်ၶိုတ်းၵၢပ်ႈၶိုတ်းၸၼ်ႉလုမ်ႈၾႃႉ ဢမ်ႇယင်ႉဢမ်ႇၵိုတ်း ။ ၾိင်ႈၵဝ်ႇသမ်ႉ တေၸူမ်ႁၢႆၵႂႃႇၸွမ်း ၵူၼ်းႁုၼ်ႈၵဝ်ႇသဵင်ႈမူတ်းတႄႉ ၶိူဝ်းၸၢင်ႈၸူမ်ႁၢႆ ။ ၸင်ႇၼၼ်လႄႈ ဢမ်ႇဝႃႈ ၸၢဝ်းၶိူဝ်းလႂ် တိုၼ်းၶတ်းၸႂ် ၶိုင်သၢင်ႈႁႂ်ႈၾိင်ႈၵဝ်ႇၵႄႇဢမ်ႇႁၢႆ ။
မိူၼ်ၼင်ႇ တီႈႁူင်းႁဵၼ်းသိုပ်ႇသၢၼ်ၽုမ်ႊပၼ်ႊယႃႊလၢၼ်ႉၼႃး ဢွင်ႈတီႈဢၼ်သိုပ်ႇပိုၼ်ၽႄႈၾိင်ႈငႄႈၾိင်ႈထုင်းလၢၼ်ႉၼႃးၼႆႉၵေႃႈ ၸတ်းပၢင်သွၼ်ၵႃႈၼူၵ်ႉ တႃႇပီႈၼွင်ႉထႆး ပႃးၸဵမ်ပၢၼ်သႅၼ်းႁုၼ်ႈမႂ်ႇလႄႈၵူၼ်းၸိူဝ်းသူၼ်ၸႂ် ဢမ်ႇယွမ်း 50 ၵေႃႉ ။ ပိူင်ယႂ်ႇသုတ်းၵေႃႈ ၾိင်ႈၵႃႈၼူၵ်ႉၼႆႉ ႁႂ်ႈၵူၼ်းၵူႈတီႈပေႃးႁူႉဝႃႈ ပဵၼ်ၾိင်ႈတႆးဝႃႈၼႆ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#ၽူႈတွႆႇႁွၵ်ႈ
#ShanNews
