ရူတ်ႉၽႃႇၵၼ်တီႈမႄႈသွတ်ႇ ၵူတ်းတၢႆ 5 ၵေႃႉ ပႃးမေႃသွၼ်ယိင်းၵူၼ်းလၢႆးၶႃႈ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၸွမ်းၼင်ႇ ထုင်းၵႂၢမ်းမီးဝႃႈ ၵိၼ်ဢမ်ႇထုၵ်ႇၼိုင်ႈၵမ်း ၵႂႃႇဢမ်ႇထုၵ်ႇၼိုင်ႈယၢင်ႈ ၼႆၼၼ်ႉ မႅၼ်ႈတႄႉတႄႉ ။ မၢင်ပွၵ်ႈမႃး ဝႄႈၽေးၵေႃႈ တိုၵ်ႉၸၢင်ႈၺႃးၽေးထႅင်ႈယူႇ ယွၼ်ႉဝႃႈ ၽေးၵိုင်ႉၵၢင်ႉၼႆႉၸၢင်ႈပဵၼ်လႆႈၵူႈၶၢဝ်းယၢမ်း။ ဢမ်ႇၸႂ်ႈယွၼ်ႉတူဝ်ၸဝ်ႈၵဝ်ႇၵေႃႈ ၸၢင်ႈပဵၼ်ယွၼ်ႉပိူၼ်ႈတၢင်ႇၵေႃႉ။
ၼင်ႇၵႂၢမ်းမိူဝ်ႈၵွၼ်ႇဝႃႈ ၵွင်ႇၵေႃႈဢမ်ႇႁၼ် ဝၼ်းတၢႆဢမ်ႇႁူႉ ၼႆၼၼ်ႉ မေႃသွၼ်ယိင်းတႆး ၵူၼ်းဝဵင်းလၢႆးၶႃႈ ၵေႃႉဢၼ်မီးၵႃႈၶၼ်တႃႇၵူၼ်းၼုမ်ႇ၊ ၵေႃႉဢၼ်မီးၼမ်ႉၸႂ်သေ သွၼ်ပွၼ်ႈၵမ်ႉထႅမ်ႁႅင်းၵၢၼ်ယၢၼ်မိူင်းၼႂ်းမိူင်းထႆးၵေႃႉၼိုင်ႈ လူႉသဵင်ႈၸွမ်း ၽေးၵိုင်ႉၵၢင်ႉၵႃးၽႃႇၵၼ်တီႈမႄႈသွတ်ႇ ၸိုင်ႈထႆး ။ လႆႈဝႃႈ တႆးလူႉသုမ်းယိင်းတႆးၵတ်ႉၶႅၼ်ႇ မီးၼမ်ႉၸႂ်လီ ၵေႃႉၼိုင်ႈ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ ။
#ၽူႈတွႆႇႁွၵ်ႈ
#ShanNews
