ၾိင်ႈထုင်းတႆး ပဵၼ်ၵၢၵ်ႇသေႃး တႃႇတႆးၸမ်ၵၼ် လႄႈ တႃႇၶဝ်ႈဢွၵ်ႇတၢင်ႇၸိုင်ႈမိူင်းငၢႆႈ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၾိင်ႈငႄႈတႆး ပေႃးတႆးဢမ်ႇဝႆႉၵႃႈၶၼ်လႄႈ ဢမ်ႇမေႃယုၵ်ႉမုၼ်း တေဢမ်ႇမီးၽႂ်မၵ်းမၼ်ႈပဵၼ်ၾိင်ႈၵိုၵ်းလုမ်ႈၾႃႉ။
တၢင်းႁူႉတၢင်းမေႃၾၢႆႇၾိင်ႈငႄႈၾိင်ႈထုင်းၼႆႉ သင်ဢမ်ႇသိုပ်ႇပိုၼ်ၽႄႈ ဢမ်ႇသိုပ်ႇပုတ်ႈႁပ်ႉဢဝ် ၸၢင်ႈႁၢႆလၢႆၵႂႃႇ ဢမ်ႇ တၼ်းထိုင်ၸူဝ်ႈလုၵ်ႈပၢၼ်လၢၼ် ။ တႆးႁူႉၾိင်ႈတႆးၵူၺ်းပႆႇယဝ်ႉ ၼႂ်းတၢင်ႇၸၢဝ်းၶိူဝ်း တၢင်ႇၸိုင်ႈမိူင်းၵေႃႈ တၵ်းလူဝ်ႇ ႁႂ်ႈၶဝ်ႈထိုင် ။
ဢၼ်တေႁဵတ်းႁႂ်ႈၵၢၼ်ၶဝ်ႈဢွၵ်ႇတၢင်ႇၸိုင်ႈမိူင်းငၢႆႈသုတ်းၵေႃႈ ပဵၼ်ၾိင်ႈထုင်းလႄႈ တေပၢၵ်ႈပႅတ်ႈ ဢမ်ႇလႆႈ ။ ၸင်ႇၼၼ် ၵေႃလိၵ်ႈလၢႆး လႄႈ ၾိင်ႈငႄႈတႆးတႃႈၶီႈလဵၵ်းၵေႃႈ ၸင်ႇတူၵ်းလူင်းၵၼ် တၢင်းၶူးသၢင်ႇၶမ်း ၸၢင်းယွတ်ႈ ၶူးပူင်သွၼ်ၾိင်ႈထုင်းတႆး ပိုတ်ႇသွၼ်ပၼ်တၢင်းၵႃႈၼူၵ်ႉ ၊ တူဝ်းလႄႈ လၢႆးႁႆႇၵွင်ၸိူဝ်းၼႆႉ ။မီးၵူၼ်းၼုမ်ႇ သႅၼ်းမႂ်ႇလၢႆၸႄႈဝဵင်းၼႂ်းပွတ်းဢွၵ်ႇ မႃးၶဝ်ႈႁူမ်ႈႁဵၼ်းဢဝ် ။ၶူးသၢင်ႇၶမ်းဝႃႈ ပၢင်သွၼ်ပွၵ်ႈၼႆႉ ႁႂ်ႈပဵၼ်ၸိူဝ်ႉၽၼ်း တႃႇပဵၼ်မႃးလွင်ႈၶိုပ်ႈၼႃႈမိူဝ်းၼႃႈ ၼႆယူႇ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#Podcast
#shannews
