ၼုမ်ႇယိင်းတႃႈၶီႈလဵၵ်း တၢႆၵွပ်ႈယႃႈႁႃႉၺႃးၶႃႈပႆႇႁူႉ ပလိၵ်ႈမၢၼ်ႈၼႅတ်ႈၽဝ်ပႅတ်ႈၶၢပ်ႈတူဝ်
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၵၢပ်ႈပၢၼ်မႂ်ႇၼႆႉ ၵူၼ်းတေႃႇၵူၼ်းၵေႃႈ ၶၢႆၵိၼ်ၵၼ်ၶိုၼ်း ၊ လူလၢႆၵၼ်ၶိုၼ်း ၶႃႈႁႅမ်ၵၼ်ၶိုၼ်း။ ပိူင်ပဵၼ်ၸိူဝ်းၼႆႉ မီးမႃးၶိူဝ်းယႂ်း ။ ပေႃးဢမ်ႇၾၢင်ႉ ၸၢင်ႈတူၵ်းပဵၼ်တူဝ်ယိူဝ်ႇၵူၼ်းၸိူဝ်းဢမ်ႇမီးသတိ ဢမ်ႇမီးပၢႆးဝူၼ်ႉလီ ။ သင်လူႉႁၢႆတၢႆယွၼ်ႉၸိူဝ်းၼႆႉမႃး ဢမ်ႇၸၢင်ႈႁွင်ႉႁႃတီႈပိုင်ႈ ။
မိူၼ်ၼင်ႇ ၼုမ်ႇယိင်း ဢႃယု 21 ပီၵေႃႉၼိုင်ႈ တီႈတႃႈၶီႈလဵၵ်း ၸိုင်ႈတႆးပွတ်းဢွၵ်ႇ ႁၢႆၵႂႃႇလၢႆဝၼ်းသေ ၵမ်းလိုၼ်းႁၼ်ၶိုၼ်းပဵၼ်တူဝ်တၢႆ ။ ပီႈၼွင်ႉယင်းပႆႇ လႆႈႁၼ်ၶၢပ်ႈတူဝ် ပလိၵ်ႈမၢၼ်ႈႁၼ်ယဝ်ႉ ၼႅတ်ႈၽဝ်ပႅတ်ႈလႄႈ ဢမ်ႇႁူႉငိူၼ်ႈမၼ်းဝႃႈ တၢႆယွၼ်ႉၶႃႈႁႅမ်ႁႃႉ တၢႆယွၼ်ႉသင် ။
ထိုင်မိူဝ်ႈလဵဝ် ပီႈၼွင်ႉလႄႈ ၵူၼ်းႁူမ်ႈႁိူၼ်း ၼုမ်ႇယိင်းၵေႃႉၼႆႉ တိုၵ်ႉငမ်းငဝ်းၵၼ်ယူႇဝႃႈ တၢႆလူၺ်ႈလွင်ႈတၢင်းသင်တႄႉတႄႉၼႆယူႇ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#Podcast
#shannews
