ပႃႇတီႇသၢင်ႇသီႈ တင်းတပ်ႉသိုၵ်းမၢၼ်ႈ ၸွင်ႇတေၵူမ်ၵဵဝ်ၵၼ်ပဵၼ်ဢၼ်လဵဝ်
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ၵူၼ်းႁဵတ်းၵၢၼ်မိူင်းၼႂ်းမိူင်းႁူမ်ႈတုမ်မၢၼ်ႈၵမ်ႈၼမ် ႁပ်ႉႁၼ်ဝႃႈ ပႃႇတီႇသၢင်ႇသီႈ ပဵၼ်ၶွၼ်ႉတဝ်ႉသိုၵ်းမၢၼ်ႈ ၊ ပဵၼ်ၶူဝ်လႆတႃႇသိုၵ်းမၢၼ်ႈ ယၼ်ၶိုၼ်ႈသုင်ၼႆမႃးတႃႇသေႇ။ ၽွင်းသိုၵ်းမၢၼ်ႈပဵၼ်ယႂ်ႇၼႆႉ ၵူၼ်းၼႂ်းပႃႇတီႇသၢင်ႇသီႈ ၸၢင်ႈလႆႈတီႈယူႇလီ ၸၢင်ႈမီးဢမ်းၼၢတ်ႈယႂ်ႇႁႃႉ ဢမ်ႇၼၼ် ၵူၼ်းၼႂ်းတပ်ႉမၢၼ်ႈ ထၢၵ်ႈသေၶဝ်ႈဝႆႉၼမ်လႄႈ တေပဵၼ်ဢၢမ်းၼၢတ်ႈသိုၵ်းမၢၼ်ႈၵႂႃႇလုမ်းလုမ်းႁိုဝ်ၼႆႉ ပဵၼ်တီႈၵူၼ်းမိူင်းၶႂ်ႈႁူႉၶႂ်ႈႁၼ်ဝႆႉ။
ၶၢဝ်ႇလိုဝ်းၵၼ်ဝႃႈ ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တေၶိုၼ်ႈပဵၼ်ၸွမ်ၸိုင်ႈ ၵူၺ်းၵႃႈ ႁူဝ်ပဝ်ႈပႃႇတီႇသၢင်ႇသီႈၵေႃႈ သမ်ႉမီးဝႆႉယူႇလႄႈ ၶဝ်တေၸၢင်ႈ ၸႅၵ်ႇမႅင်ႇၼႃႈတီႈလႄႈဢႃႇၼႃႇၵၼ်ၸိူင်ႉႁိုဝ်ၼႆၼၼ်ႉ ၽူႈထတ်းသၢင်ၵၢၼ်မိူင်းလၢႆၵေႃႉ ဢွၼ်ၵၼ် ပဵၼ်ၶေႃႈငမ်းငဝ်းဝႆႉ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#Podcast
#shannews
