ပီႈၼွင်ႉတႆး တီႈမိူင်းၵျပၼ်ႊ ၸတ်းဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈ 79 ပီ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ဢိင်ၼိူဝ် ငဝ်းလၢႆးၵၢပ်ႈဝၢၼ်ႈပၢၼ်မိူင်းသေ ၵူၼ်းၶိူဝ်းတႆးလႆႈယူႇ ၵေႃႉတီႈၵေႃႉတၢင်း တႃႇၶွၼ်ႈႁႅင်းၵၼ် ယူႇပဵၼ်မုၵ်ႉပဵၼ်ၵေႃၼၼ်ႉ ဢမ်ႇငၢႆႈ ။ ဝႃႈၼၼ်သေတႃႉ တႆးၸိူဝ်းႁွတ်ႈဝႆႉတၢင်ႇၸိုင်ႈမိူင်းတႄႉ ပေႃးထိုင်ဝၼ်းဢၼ်လမ်ႇလွင်ႈတႃႇၸိူဝ်ႉၶိူဝ်းမႃးၼႆ တေၵႆႉဢွၼ်ၵၼ်ႁူပ်ႉထူပ်း သၢင်ႈလွင်ႈမိုတ်ႈၵိုဝ်းၸမ်ၸႂ်ၵၼ် ။
မိူၼ်ၼင်ႇ ၵူၼ်းတႆး ဢၼ်ႁွတ်ႈဝႆႉ တီႈမိူင်းၵျပၼ်ႊၵေႃႈ ပီ 2026 ၼႆႉ ႁူမ်ႈၵၼ်ၸတ်းဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈၶူပ်ႇ 79 ပီ မိူၼ်ပီႈၼွင်ႉတႆးၵူႈတီႈတီႈ ။ ပီၼွင်ႉတႆး တီႈၵျပၼ်ႊၼႆႉ ၸတ်းဝၼ်းၸိူဝ်ႉၸၢတ်ႈၸိုင်ႈတႆးမႃးလၢႆပွၵ်ႈ ယိူင်းဢၢၼ်းမီးၸိူင်ႉႁိုဝ်ၼႆၼၼ်ႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#Podcast
#shannews
