သိုၵ်းမၢၼ်ႈၶိၼ်ႁဵတ်းပၢင်လိူၵ်ႈတင်ႈယဝ်ႉ ၶိုင်ၶႂ်ႈလႆႈတီႈယူႇၼႂ်းသၽႃးၼမ်ထႅင်ႈ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
ငဝ်းလၢႆးဝၢၼ်ႈမိူင်းယုင်ႈ ၵူၼ်းမိူင်းဢမ်ႇပွင်ႇၸႂ် ဢမ်ႇသူၼ်ၸႂ်ၼိူဝ်ပၢင်လိူၵ်ႈတင်ႈၵႃႈႁိုဝ် ဝႃႈၼႆသေတႃႉ ပၢင်လိူၵ်ႈတင်ႈသိုၵ်းမၢၼ်ႈၼမ်းၸတ်းၼၼ်ႉ ယဝ်ႉတူဝ်ႈၵႂႃႇယဝ်ႉတင်းသၢမ်ၵမ်း ။ ၸုမ်းလဵပ်ႈႁဵၼ်းထတ်းသၢင်ၶဝ်တႄႉလၢတ်ႈဝႃႈ မီးၵူၼ်းၵႂႃႇတွတ်ႈယူႇ 55% ၵူၺ်း သမ်ႉပၢႆ ဢမ်ႇၸႂ်ႈၵၢင်ၸႂ်ၵူၼ်းမိူင်းၸႅတ်ႈၸၢင်ႇ ။
မၢင်ၸိူဝ်းၵူဝ်ၺႃးမၢပ်ႇမႂ်တဵၵ်းတဵင်ဝၢႆးလင်လႄႈ ၵႃႈလႆႈၵႂႃႇတွတ်ႈၵူၺ်းၼႆယူႇ။ တေႃႈၼင်ႇၶၢဝ်းပၢင်လိူၵ်ႈတင်ႈၵူၺ်းၵေႃႈ သိုၵ်းမၢၼ်ႈတိုၵ်ႉမီးလွင်ႈၶဵင်ႈၶႅင်ၵၼ်တင်းၸုမ်းလုၵ်ႉၽိုၼ်ႉၸိူဝ်းၼၼ်ႉယူႇလႄႈ ပဵၼ်ႁိုဝ်ၵေႃႈ ဢမ်ႇၸၢင်ႈယုမ်ႇယမ်တမ်းၸႂ်လႆႈတဵမ်တီႈ ၼႆ ၵူၼ်းၼုမ်ႇ ၸိူဝ်းလဵပ်ႈႁဵၼ်းၵၢၼ်မိူင်းၶဝ် လၢတ်ႈၼင်ႇၼႆ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#Podcast
#shannews
#ၽူႈတွႆႇႁွၵ်ႈ
