သိုၵ်းတဢၢင်းပၼ်ၾၢင်ႉ ၸဝ်ႈႁၢၼ်ႉလႂ်ဢမ်ႇပိုတ်ႇၶၢႆ ၊ ဢမ်ႇပၼ်ၶွၼ်ႇ တေယိုတ်းႁၢၼ်ႉလၢႆ ဢဝ်ၶၢႆပၼ်တၢင်ႇၵေႃႉ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
မိူင်းတႆးၼႆႉ မီးၸၢဝ်းၶိူဝ်းဢၼ်လၢၵ်ႇလၢႆလႄႈ သင်ပဵၼ်သူၼ်မွၵ်ႇၵေႃႈ ပဵၼ်သူၼ်ဢၼ်မီးမွၵ်ႇၸေးသီ ႁၢင်ႈလီ ။ ၵူၺ်းၵႃႈ ဢိင်ၼိူဝ်ငဝ်းလၢႆးၵၢၼ်မိူင်းၵၢၼ်သိုၵ်းသေ သုၵ်ႉယုင်ႈဢူၼ်ၵဝ်း ထိုင်တီႈၵူၼ်းမိူင်းယူႇဢမ်ႇလႆႈ ပၢႆႈဢမ်ႇလွတ်ႈ ။
ပွတ်းတၢင်းဝဵင်းၼမ်ႉၶမ်း ၸိုင်ႈတႆးပွတ်းႁွင်ႇၼႆႉ မိူဝ်ႈလဵဝ် ပၢင်တိုၵ်းယဵၼ်ယဝ်ႉသေတႃႉ တိုၵ်ႉလႆႈယူႇတႂ်ႈသိုၵ်းၵူၺ်းလႄႈ ၵူၼ်းမိူင်းပႆႇမီးလွင်ႈႁူမ်ႇလူမ်ႈသင် ။
လိူဝ်ၼၼ်ႉ ၸဝ်ႈႁၢၼ်ႉၸဝ်ႈသႅင်ႇၺႃးၵဵပ်းၶွၼ်ႇလိူဝ်ႁႅင်းလႄႈ ၸိူဝ်းလႆႈပိၵ်ႉဢိုတ်းႁၢၼ်ႉ ပၢႆႈသွၼ်ႈယူႇတၢင်ႇတီႈၵေႃႈမီး ။ မိူဝ်ႈလဵဝ်သမ်ႉ သိုၵ်းတဢၢင်းပၼ်ၾၢင်ႉၸဝ်ႈႁၢၼ်ႉၸဝ်ႈသႅင်ႇဝႃႈ ၽႂ်ဢမ်ႇပွၵ်ႈပိုတ်ႇႁၢၼ်ႉၶိုၼ်းၵေႃႈ တေယိုတ်းဢဝ်ႁၢၼ်ႉလၢႆသေ တေတႃႉၶၢႆပၼ်ပိူၼ်ႈပႅတ်ႈၼႆယဝ်ႉ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ
#podcast
#shannews
