တေႃႇဢွင်ႇသၢၼ်းၸူႉၵျီႇ တၢႆႁႃႉလိပ်း ဢမ်ႇမီးၽႂ်ႁူႉလႄႈ လုၵ်ႈၸၢႆးမၼ်းတုၵ်းယွၼ်းႁႂ်ႈပွႆႇပၼ်ဝႆးဝႆး
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
သိုၵ်းမၢၼ်ႈတီႉဢဝ်တူဝ်တေႃႇဢွင်ႇသၢၼ်းၸူႉၵျီႇသေ ၵုမ်းၶင် လပ်ႉႁူလပ်ႉတႃၵူၼ်း လုမ်ႈၾႃႉဝႆႉ ။ တေႃႈၼင်ႇ လုၵ်ႈဢွၵ်ႇတွင်ႉဢွၵ်ႇသႆႈတႄႉတႄႉ ယင်းဢမ်ႇမီးသုၼ်ႇလႆႈႁူႉၶၢဝ်ႇငၢဝ်းမၼ်းၼၢင်းသေဢိတ်း ။ ထိုင်မိူဝ်ႈလဵဝ် လူႉတၢႆႁႃႉလိပ်းၶီး ဢမ်ႇမီးၽႂ်ႁူႉ ။
ၶၢဝ်ႇဢၼ်ႁူဝ်ႈဢွၵ်ႇမႃးၵေႃႈ ၵႆႉမီးဝႃႈ ပၢႆးယူႇလီမၼ်းၼၢင်း ဢမ်ႇတဵမ်ထူၼ်ႈ ။ မၢင်ပွၵ်ႈ ငိၼ်းဝႃႈ လီမႆႈၸႂ်ႁႅင်းၼႆၸိူဝ်းၼႆႉ ။ ၸုမ်းၵဵဝ်ႇၶွင်ႈ ၼႂ်းမိူင်းၼွၵ်ႈမိူင်းၵေႃႈ ဢမ်ႇပေႃးတူၵ်ႇထိုင်မၼ်းၼၢင်းယဝ်ႉလႄႈ ၵေႃႉပဵၼ်လုၵ်ႈၸၢႆးမၼ်းၼၢင်း ၸင်ႇဢွၵ်ႇသဵင်တုၵ်းယွၼ်း ႁႂ်ႈလုမ်ႈၾႃႉႁပ်ႉႁူႉ ။ ႁႂ်ႈပွႆႇပၼ်တူဝ် ၵေႃႉပဵၼ်မႄႈမၼ်းဝႆးဝႆးဝႃႈၼႆ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#podcast
#shannews
