ပိူင်ၸၢႆႇငိုၼ်း ၵေႃႉၶိုင်ႈၶိုင်ႈ မိူင်းၸိုင်ႈထႆး မီးၽွၼ်းလီသင် တႃႇၵူၼ်းမိူင်း
ၽူႈတွႆႇႁွၵ်ႈ၊ ၸၢႆးသႂ်ၸိုၼ်ႈမိူင်း
ၸိုင်ႈမိူင်းလႂ် ၸိုင်ႈမိူင်းၼၼ်ႉ ၵူၼ်းမိူင်းမုင်ႈမွင်းၶႂ်ႈမီးလူင်ပွင်ၸိုင်ႈ ဢၼ်ပၼ်လွင်ႈႁူမ်ႇလူမ်ႈလႄႈ ပၼ်လွင်ႈထၢင်ႇႁၢင်ႈလႆႈၸတ်းလႆႈပွင် ၵၢမ်ႇၵျမ်ႇမႃႇတူဝ်ၵဝ်ႇ။ ဢမ်ႇဝႃႈ ၼႂ်းၵၢၼ်ယူႇၵၢၼ်ၵိၼ် ၵၢၼ်ႁဵၼ်းၵၢၼ်သွၼ် ၵၢၼ်ၵူႈလွင်ႈလွင်ႈ ၵူၼ်းမိူင်းၵေႃႉလႂ်ၵေႃႈ ၶႂ်ႈႁႂ်ႈမၼ်းၶိုၼ်ႈယႂ်ႇမႂ်ႇသုင်လွၼ်ႉလွၼ်ႉ ။
တိူၵ်ႈတီႈဝႃႈ တူၵ်းၵမ်းၵိၼ်းမႃးၵေႃႈ ႁႂ်ႈမီးလူင်ပွင်ၸိုင်ႈ လူလွမ်တူၺ်းထိုင်ပၼ် ။ ပေႃးတူၺ်းၼႂ်းမိူင်းၸိုင်ႈထႆးၼႆ ၵၢၼ်မိူင်းယုင်ႈယူႇသေတႃႉ လူင်ပွင်ၸိုင်ႈၶဝ် ဝႆႉၵူၼ်းမိူင်းလမ်ႇလွင်ႈလႄႈဝႆႉၵႃႈၶၼ်တႄႉတႄႉ ။ တႃႇတေလူတ်းယွမ်းလႆႈ လွင်ႈတုၵ်ႉလွင်ႈယၢၵ်ႈၵူၼ်းမိူင်းၼၼ်ႉ တင်ႈၸႂ်ႁဵတ်းဢွၵ်ႇပိူင် တႃႇလူတ်းယွၼ်ႇ တၢင်းတုၵ်းၵူၼ်းမိူင်းလူးၵွၼ်ႇ ။
တႃႇႁႂ်ႈၵူၼ်းသိုဝ်ႉၵူၼ်းၶၢႆ သွင်ပႃႈၾၢႆႇတေငၢႆႈလူမ်ႈၸႂ်ၼၼ်ႉ လူင်ပွင်ၸိုင်ႈထႆး ႁဵတ်းဢွၵ်ႇၶူင်းၵၢၼ် ပိူင်ၸၢႆႇၵေႃႉၶိုင်ႈ ၊ ၵူၼ်းမိူင်းၵူႈၵေႃႉ မီးသုၼ်ႇၶဝ်ႈႁူမ်ႈ ။ ၾၢႆႇထႆးတႄႉႁွင်ႉဝႃႈ ” โครงการคนละครึ่ง ” ။ ၶူင်းၵၢၼ်ဢၼ်ၼႆႉ မၼ်းပၼ်ႇၵၢၼ်ၸိူင်ႉႁိုဝ် ၊ ၸၢႆႇပၼ်ငိုၼ်းၵူၼ်းမိူင်းၵႃႈႁိုဝ်ၼႆၼၼ်ႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#podcast
#shannews
#ၽူႈတွႆႇႁွၵ်ႈ
