သိုၵ်းမၢၼ်ႈၵမ်ၵိၼ်းလၢႆပိူင် ပႃႇတီႇၸိူဝ်းႁူမ်ႈမိုဝ်းၸွမ်း သူၼ်းတုမ်ႁႃသဵင်ယၢပ်ႇ
ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း
သိုၵ်းမၢၼ်ႈၼႆႉ ႁူႉဝႃႈၶႂ်ႈၸတ်းႁဵတ်းပၢင်လိူၵ်ႈတင်ႈၵူၺ်း ဢမ်ႇဝူၼ်ႉသွၼ်ႇပၼ် လွင်ႈႁူမ်ႇလူမ်ႈလႄႈ လွင်ႈလွတ်ႈၽေး ၵူၼ်းမိူင်း ။ ၸုမ်းပႃႇတီႇၸိူဝ်းပၼ်သဵၼ်ႈမၢႆတေၶဝ်ႈလိူၵ်ႈတင်ႈၵေႃႈ ဢမ်ႇၸၢင်ႈႁႃသဵင်လီလီ ။ ၽူႈထတ်းသၢင်ၵၢၼ်မိူင်းၶဝ်လၢတ်ႈဝႃႈ သိုၵ်းယိုတ်းမိူင်းတေၸတ်းပၢင်လိူၵ်ႈတင်ႈၼႆႉ မၼ်းမိူၼ်ငဝ်းလၢႆးမိူဝ်ႈပီ 1951 – 1952 ။ တေၸႅၵ်ႇၸတ်းၵႂႃႇပဵၼ်ပွတ်းပဵၼ်တွၼ်ႈ ။
ပိူင်မၼ်းၵေႃႈယုင်ႈ ၊ လၢႆးသူၼ်းတုမ်ၵေႃႈ သိုၵ်းမၢၼ်ႈႁႄႉႁၢမ်ႈၵမ်ၵိၼ်းဝႆႉလၢႆလွင်ႈ ။ ယႃႇဝႃႈ တေၸၢင်ႈမီးလွင်ႈမုင်ႈမွင်း ၼႂ်းၵၢၼ်ဢွင်ႇပေႉ ၊ တႃႇလူင်းပိုၼ်ႉတီႈႁႃသဵင်ၵူၺ်း ပေႃး ဢမ်ႇထၢင်ႇႁၢင်ႈ ၊ ၵူၼ်းမိူင်းၵေႃႈ လႆႈသုၵ်ႉၸႂ်ၸွမ်း ။ ၸွင်ႇတေပဵၼ်ႁူးလွတ်ႈပၼ်ႁႃၵၢၼ်မိူင်းတႄႉယူႇႁိုဝ်ၼႆ ၸုမ်းပႃႇတီႇၵေႃႈ ဢမ်ႇၸႅင်ႈလႅင်း ၊ ၵူၼ်းမိူင်းၵေႃႈၵႂင် ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။
#podcast
#shannews
